Խոհարարությունը Չինաստանում վաղ ժամանակներից համարվել  է  արվեստ, ուտեստների պատրաստմանը միշտ շատ լուրջ են վերաբերվել:      Խոհարարների հանդեպ ավանդական պահանջների մեջ կան կետեր այն մասին, որ  սնունդը պետք է լինի  ոչ միայն համեղ , այլև օգտակար  և նույնիսկ բուժիչ: Այստեղից էլ առաջ է եկել խոտաբույսերի տարածվածությունը  չինական խոհանոցում, որոնք հաճախ ունեն բուժական հատկություններ: Հին չինական խոհանոցում մեծ  ուշադրություն էր դարձվում  Ին և Յան հասկացություններին: Բոլոր սննդամթերքներն ու ուտեստները բաժանված էին  2 խմբի՝ էներգիա հաղորդող և հանգստացնող: Օրինակ ՝ միսը  Յան սննդամթերք  է,  ջուրը կրում է Ին-ի էներգիան: Առողջությունն ու երկարակեցությունը  պահպանելու համար հարկավոր է ձեր սննդակարգը այնպես համադրել, որ Ինը և Յանը ներդաշնակ լինեն: